–
九龍
回到目錄
煲仔飯推介2025｜1.深水埗40年老字號 德豐打冷粉麵餐廳豉椒排骨＋白鱔煲仔飯
經營了40年的深水埗的德豐打冷粉麵餐廳，除了提供打冷和潮州菜外，每到秋冬季節，煲仔飯都會惹來食客大排長龍。德豐的煲仔飯有二十多款選擇，從下午5點到凌晨供應。款式包括經典的豉椒排骨、咸魚肉餅和北菇雞等，還有每日新鮮的黃鱔、白鱔、田雞、鮑魚和海蝦和有齊原隻鮑魚、蒜蓉海蝦、豉汁白鱔的至尊海鮮煲仔飯，用料新鮮優質。搭配埋鴨蛋蠔仔餅、滷水拼盤和椒鹽九肚魚更是絕配！主廚在煲仔飯方面擁有近四十年的經驗，每一鍋都能煮出金黃的飯焦。許多熟客甚至特地開車來德豐或叫外賣平台外帶煲仔飯，這樣就不必等太久了。
（圖片來源：官方授權圖片）
（圖片來源：官方授權圖片）
（圖片來源：官方授權圖片）
（圖片來源：官方授權圖片）
名稱：德豐打冷粉麵餐廳地址：深水埗桂林街145-147號地下電話：2748 0755營業時間：24小時營業備註：1）煲仔飯供應時間為5pm-12:00am2）外賣加$12可以連砂煲拎走3）餐廳同時有打冷，潮州菜，小炒，咖啡奶茶等供應
回到目錄
煲仔飯推介2025｜2.興記菜館廟街必食平價炭爐煲仔飯：最平$55食到！
興記菜館位於油麻地廟街旺區，每逢秋冬時節便會以炭爐煲出熱騰騰的煲仔飯。餐廳憑藉炭爐製作的煲仔飯以及親民價錢吸引不少客人到訪一試，小店供應的煲仔飯款式與其他老字號的大同小異，例如臘味排骨、牛肉滑雞、鹹魚肉片、鵝肝潤腸等，其中最平$75就有交易，好抵食！
煲仔飯推介｜章魚雞粒煲仔飯（圖片來源：IG@hingkee）
煲仔飯推介｜臘味煲仔飯（圖片來源：IG@hingkee）
名稱：興記菜館地址：九龍油麻地區廟街12, 14, 15, 17, 19號地舖電話：2384 3647
回到目錄
煲仔飯推介2025｜3. 慈雲山榮記 獨創邪惡拉絲芝士煲仔飯
位於慈雲山的榮記，開業二十多年，近幾年憑著創新推出芝士煲仔飯再次打響名堂。這構思原來是店主的兒子Ray想出來，加入芝士焗成，跟飯焦很配，然而中間的飯粒較為濕潤。配料還可選牛、雞肉、午餐肉。另外最近更新推沙嗲牛肉煲仔麵，憑著濃郁花生味道，吸引不少回頭客。要留意，芝士煲仔飯不能外賣，只能堂食。其他傳統口味，如肉餅、排骨、臘味則能外賣，可惜是並非原煲上。
榮記茶餐室更多詳情
煲仔飯推介｜位於慈雲山的榮記茶餐室，開業已有20多年，保留了舊茶室的格局。。（圖片來源：新假期編輯部）
煲仔飯推介｜芝士煲仔飯帶邪惡芝士拉絲。（圖片來源：新假期編輯部）
煲仔飯推介｜金蠔蝦乾煲仔飯（圖片來源：新假期編輯部）
名稱：榮記茶餐室地址：九龍慈雲山區毓華里12號地下電話：2328 9232其他相關連結：Facebook
回到目錄
煲仔飯推介2025｜4. 旺角光榮冰室煲仔飯
光榮冰室總店在深井，以往都是每逢冬天才推出煲仔飯，見九龍區一帶少有一年四季都吃到的煲仔飯地方，索性將煲仔飯全年供應，天冷時門口都大排長龍，大受食客歡迎！煲仔飯於所有分店6pm後供應，每煲堅持以生米煲熟，需要等約20分鐘才有得食。每一煲都會耐心燒出飯焦，加$15可連煲外賣自取。
光榮冰室更多詳情
煲仔飯推介｜光榮冰室每晚6點起供應煲仔飯。（圖片來源：新假期編輯部）
煲仔飯推介｜窩蛋牛肉煲仔飯，飯熟才落新鮮牛肉和雞蛋，火候要拿捏準繩，令牛肉保持鮮嫩滑溜。（圖片來源：新假期編輯部）
（圖片來源：官方授權圖片）
名稱：光榮冰室地址：九龍旺角花園街3-5號鴻威大廈地下12-13號舖（旺角店）電話：25111177其他相關連結：KWCatering
回到目錄
煲仔飯推介2025｜5. 尖沙咀深仔記茶餐廳 原條日式鰻魚煲仔飯！
深仔記雲吞麵賣得街知巷聞，更踩過界開茶餐廳，選址尖沙咀。找來2大高手，一是前澳牛大廚，二是跑馬地名人飯堂、米芝蓮級的雅谷餐廳（Amigo）前廚師做顧問。滑蛋芝士汁撈麵、瑞士汁雞髀均是招牌菜，秋冬首推原條鰻魚煲仔飯，打開煲蓋，飯香湧出，香氣滿溢，且配上滑嫩炒蛋及焦香鰻魚，香濃惹味。煲仔飯除了鰻魚外，還有鳳爪排骨、臘腸滑雞等，每晚5pm後供應！
更多詳情
煲仔飯推介｜日式鰻魚煲仔飯，鰻魚原條上，厚肉燒得帶焦香，一打開熱氣騰騰，很吸引。（圖片來源：新假期編輯部）
煲仔飯推介｜鳳爪排骨煲仔飯（圖片來源：新假期編輯部）
煲仔飯推介｜深仔記茶餐廳分店經常大排長龍。（圖片來源：新假期編輯部）
名稱：深仔記茶餐廳地址：九龍尖沙咀亞士厘道 29-39 號九龍中心地下A舖電話：9377 0072其他相關連結：Sumjarkeetst
回到目錄
煲仔飯推介2025｜6. 佐敦憶食尚臘味煲仔飯
憶食尚臘味煲仔飯主打廣式臘味煲仔飯、甜蜜咕嚕肉、瑤柱蝦米雜菜煲等。店家為臘味製造商，擁自家工場製作。所有臘味均不加防腐劑及化學物，並選用河源自家農場的走地新鮮土豬及重慶黑毛豬。招牌菜為廣式臘味煲仔飯、一見鍾情海鯧魚手工黃金麵。
（圖片來源：憶食尚臘味煲仔飯）
（圖片來源：憶食尚臘味煲仔飯）
名稱：憶食尚臘味煲仔地址：佐敦文匯街22-24號地下2-4號舖電話：3590 9933營業時間：餐廳：地址：電話：Facebook：其他相關連結：憶食尚
–
港島
回到目錄
煲仔飯推介2025｜7. 西環永合成馳名煲仔飯 午市限定4點收爐！
舊舖在上環時已經打出名堂，只做午市，做到4點便收爐。以麵包爐焗煲仔飯，貪其火力夠平均。午市經常排長龍，所以煲仔飯會焗至六、七成熟等客，繁忙時間，10分鐘左右就有得食；唔想同人迫，可以在早餐或下午茶時分幫襯，人較少，但就要等20分鐘才有得食，但好處是全日都有外賣煲仔飯供應。
煲仔飯推介｜永合成馳名煲仔飯只做午市，想吃的朋友可要早點到，別碰門釘！（圖片來源：新假期編輯部）
煲仔飯推介｜北菇雞煲仔飯，雞肉夠滑，北菇亦厚肉彈牙。（圖片來源：新假期編輯部）
名稱：永合成馳名煲仔飯地址：香港西環區德輔道西360號地舖電話：2850 5723
$699 Ricopa IH 電磁爐 一爐搞掂邊爐、雞煲、盆菜
回到目錄
煲仔飯推介2025｜8. 西營盤坤記煲仔小菜 米芝蓮推介一煲難求！
西營盤名店，得多年米芝蓮推介，是煲仔飯界老大哥。想食就必須要有排隊的心理準備，每晚不到6時店已坐滿，門外更圍住等位的人，非常誇張。老闆嫌瓦煲易裂，找來成本更貴的瓷煲，又以火山石代替炭火，老店在傳統中一直求變。現時5pm後才有煲仔飯外賣供應，不過是放在微波爐盒，未能原汁原味食到煲仔飯風味，最好就當然是堂食以原煲上，食到金黃飯焦，同時又新鮮出爐啦！
西營盤美食｜坤記煲仔小菜一向是煲仔飯界的老前輩。（圖片來源：新假期編輯部）
西營盤美食｜臘味滑雞煲仔飯，雞很新鮮，亦夠滑。飯甘香，軟硬有致，就算不加豉油都夠味。（圖片來源：新假期編輯部）
名稱：坤記煲仔小菜地址：香港西環區西營盤皇后大道西263號和益大廈地下1號舖電話：2803 7209
回到目錄
煲仔飯推介2025｜9. 筲箕灣祥囍煲仔小廚 後巷長期人龍店 完美炭香飯焦！
祥囍煲仔小廚位於筲箕灣後街暗巷，位置甚隱蔽，但每次經過餐廳已半滿，人氣甚旺。大廚花姐曾在西環煲仔飯名店做過，有20年煮煲仔飯經驗，而且至今堅持即叫即煲。一入門口就聞到炭香，感覺對辦。煲仔飯款式較大路，大廚推介的臘味蝦乾飯，蝦乾是同筲箕灣漁民直接入貨，鹹香惹味，值得一試。
祥囍煲仔小廚詳情
煲仔飯推介｜祥囍煲仔小廚位於後街暗巷，不過卻無阻人們熱情。（圖片來源：新假期編輯部）
製作煲仔飯絕對是份辛苦工，要長期面對着百度高溫，眼力、耐力、心力缺一不可，花姐定力之高，令人敬佩！（圖片來源：新假期編輯部）
味蝦乾飯，臘味蝦乾飯內加了冬菇粒，更好咬口，食落亦更香。臘味蝦乾煲仔飯（圖片來源：新假期編輯部）
名稱：祥囍煲仔小廚地址：香港筲箕灣區愛民街6-28號新利大廈4A至5A地舖電話：2343 8811
回到目錄
煲仔飯推介2025｜10. 嚐囍煲仔小菜米芝蓮煲仔飯
嚐囍煲仔小菜是非常出名米芝蓮煲仔飯，除了煲仔飯，還有其他小菜點心。店鋪其他主打椒鹽九肚魚、白鱔臘腸飯、蒜蓉粉絲蒸娃娃菜等，1800-2200 外賣自取9折。
（圖片來源：嚐囍煲仔小菜）
（圖片來源：嚐囍煲仔小菜）
名稱：嚐囍煲仔小菜地址：西環堅尼地城北街25號地下電話：2819 6190其他相關連結：嚐囍煲仔小菜
回到目錄
煲仔飯推介2025｜11.筲箕灣紹華小廚 帆立貝象拔蚌煲仔飯
前身是銅鑼灣川龍街新翠華，老闆在筲箕灣另起爐灶。店子除了20款傳統煲仔飯，亦有10款全新自創煲仔飯，如野菌鵝肝、疆土羊肉、帆立貝象拔蚌、蒜香牛頸脊等，配搭新穎，吸引很多年輕人幫襯。同時6pm後可外賣煲仔飯，加$20連煲拎走。
煲仔飯推介｜紹華小廚除了傳統口味外，更有創新口味煲仔飯，選擇多元化。（圖片來源：新假期編輯部）
煲仔飯推介｜豉汁帆立貝象拔蚌飯，豉油香甜濃稠，帶子大隻入味。（圖片來源：新假期編輯部）
煲仔飯推介｜豬潤黃鱔飯（圖片來源：新假期編輯部）
名稱：紹華小廚地址：香港筲箕灣區愛秩序灣道15號愛秩序灣街市熟食中心CF3店電話：8199 8188其他相關連結：紹華小廚
回到目錄
煲仔飯推介2025｜12. 北角嚐喜大不同 炭火煲仔飯
日間是茶餐廳，晚市變身小菜館，吸引很多街坊專誠訂座來吃晚飯。四季炭火煲仔飯固然是每枱必食，亦有不少可預訂的私房小菜，價錢亦相宜。老闆對煲仔飯很有堅持，先用石油氣將飯煮至收水，放配料後，再移至炭火上以文火收水，一煲飯等足40分鐘才有得食。想食外賣都有得揀，6pm後可外賣煲仔飯。
煲仔飯推介｜窩蛋牛肉飯加臘腸。（圖片來源：新假期編輯部）
煲仔飯推介｜剁椒肉餅飯（圖片來源：新假期編輯部）
煲仔飯推介｜北角嚐喜大不同特色餐廳小廚，不少街坊專訪前來吃晚飯。（圖片來源：新假期編輯部）
名稱：嚐喜大不同特色餐廳小廚地址：香港北角區七姊妹道25-31號嘉蘭大廈地下C舖電話：2833 6968
–
新界
回到目錄
煲仔飯推介2025｜13. 屯門蛇王輝 30年蛇羮老牌 煲仔飯帶焦香飯焦！
位於屯門的「蛇王輝」，以蛇羹聞名。不過除了蛇羮及糯米飯外，煲仔飯也是人氣之選。款式都是傳統口味，如排骨、滑雞、臘味等，全部即叫即做，而且價錢相宜，很受街坊歡迎，在冬天大受屯門街坊歡迎。買碗蛇羹，再原份煲仔飯買回家吃，暖笠笠夠晒寫意。
蛇王輝更多詳情
煲仔飯推介｜屯門蛇王輝可是不少屯門友的「蛇竇」。（圖片來源：新假期編輯部）
煲仔飯推介｜鳳爪排骨煲仔飯，即叫即煮，鳳爪燜得軟腍，排骨有豉味，飯粒帶米香，吃至最後還刮起飯焦。（圖片來源：新假期編輯部）
煲仔飯推介｜五蛇羹（圖片來源：新假期編輯部）
名稱：蛇王輝地址：新界屯門區青河坊2號麗寶大廈59號地下B舖電話：2458 5519
回到目錄
煲仔飯推介2025｜14. 沙田 四季芬芳（蛇王芬）
四季芬芳是中環老字號蛇王芬的副線，以蛇羹為概念創作新派中菜，另亦供應廣東小菜。店鋪主打豉椒排骨白鱔煲仔飯、蛇王芬潤腸鹹水角、花膠太史蛇羹等。
（圖片來源：四季芬芳by蛇王芬）
名稱：四季芬芳地址：沙田沙田正街2-8號新城市廣場三期3樓363A號舖電話：3108 2196其他相關連結：Facebook
回到目錄
煲仔飯推介2025｜15. 江湖小棧香濃豬油任加
店主練生任中廚廿多年，近幾年嘗試創業，開過豆品店、小食店，不過在大熱天時，見到食客還要待在外面大汗淋漓，就覺得不好意思，所以最後回歸老本行，於上年開了這間餐廳。店內以武俠漫畫裡的「江湖」作主題，牆上掛著兵器，每張枱都有所屬門派，而Menu 就是不同的武林秘笈，認真搞鬼。
雖然老闆明言不是特別喜歡武俠小說，但就學得一身好功夫，煲仔飯原是自學，然而整個飯焦底都可以輕易起出，不簡單。知道客人喜歡油香，就買大油（肥膏）一大磚回來，加炸蒜、洋葱、乾葱下鑊炸，自製一瓶瓶豬油，任加唔嬲。剩下的豬油渣，就用來做豉油，雙倍的香濃，什麼膽固醇，就暫時忘記吧。煲仔飯除了一般的蒜蓉、豉汁口味，還有馬拉盞、蝦醬、麵醬、欖角可選，重口味人士有福了。
馬拉盞以蝦醬、蝦膏、豆瓣醬、蒜頭等煮成，濃香撲鼻，味道滲透每片牛肉，加上豬油和豉油，滋味無窮。
麵醬鯰魚煲仔飯（圖片來源：江湖小棧）
馬拉盞牛肉煲仔飯（圖片來源：江湖小棧）
名稱：江湖小棧地址：荃灣鱟地坊30號寶成大厦1號地舖電話：2399 7994其他相關連結：江湖小棧
回到目錄
煲仔飯推介2025｜16. 元朗堅料豬手車仔麵店 普洱飯焦煲仔飯
堅料豬手車仔麵店主打的是車仔麵，同時賣燉湯、 家常小菜。堅哥的臘味煲仔飯，像店中很多菜式 一樣，沒有寫入餐牌，不能walk-in吃，須提早預訂。打開煲蓋，臘味香與飯香湧出，原來臘味購上環一間老字號臘味店，城中多間名店如鏞記也幫襯！最特別是吃完臘味煲仔飯，還有精彩下半場，店員端來普洱茶，倒進瓦煲，混合飯焦，再拿進廚房，下葱花煮兩煮，再端出來的是一煲金黄帶脆，點點翠綠的飯焦，每啖都帶茶香及焦香，好吃得停不了口，想不到飯焦也有新玩法！
堅料豬手車仔麵店更多詳情
煲仔飯推介｜臘鴨煲仔飯（圖片來源：新假期編輯部）
煲仔飯推介｜倒入普洱茶，混合飯焦吃，好特別。 （圖片來源：新假期編輯部）
煲仔飯推介｜元朗這間堅料豬手車仔麵店，想不到原來也有煲仔飯食！（圖片來源：新假期編輯部）
名稱：堅料豬手車仔麵店地址：新界元朗區安興街安良里5號寶益樓地舖電話：5618 7351
回到目錄
煲仔飯推介2025｜17. 屯門點煲 備長炭烤焗煲出金黃薄脆飯焦
煲仔飯專門店「點煲」，是首間用上備長炭烤焗煲仔飯的店舖，重點在於上枱後，無需蓋上煲蓋或等候數分鐘，即可烤焗出金黃薄脆的飯焦。口味也相當創新，特別推介每天生劏鮮活白鱔製成的豉汁白鱔煲仔飯；以肉厚油香豐富的沙巴龍躉，炮製金銀蒜龍躉煲仔飯；加入本地流浮山鮮曬金蠔炮製的，芝士櫻花蝦金蠔銀魚煲仔飯；口感豐腴且鮮美海膽安格斯牛肉煲仔飯，以及帶香濃蒜味的金銀蒜開邊蝦煲仔飯，款款吸引。記得要淋上自家製豬油，提鮮引香！
煲仔飯推介｜點煲用上搶眼色調作裝潢，吸睛搶眼！（圖片來源：網上圖片）
煲仔飯推介｜煲仔飯（圖片來源：Facebook@dimpothk）
煲仔飯推介｜芝士櫻花蝦金蠔銀魚煲仔飯（圖片來源：Facebook@dimpothk）
名稱：點煲地址：屯門屯順街1號屯門市廣場1期1樓1101號舖電話：2303 0809其他相關連結：dimpothk
冬天必食相關文章：
雞煲推介｜全港11間雞煲火鍋：旺角任飲任食＋元朗椰子雞煲＋單點/無限時
火鍋推介2024！香港21間必食日打邊爐/台式麻辣鍋/重慶雞煲/海鮮蒸氣火鍋
羊腩煲推介2024！香港8大必食：內蒙古羊肉/潮州古法炆羊腩/雙冬羊腩煲回到目錄
煲仔飯款式有哪幾間推介？
煲仔飯推介廟街興記、西環永合成等，一共19間推介，…….詳情按此。
煲仔飯推介款式有哪些？
煲仔飯款式多，不同小店均推出不同，傳統臘味飯和新派芝士煲仔飯都有，…….詳情按此。